ဖြစ်တတ်ပါသည်
__THISRES__93837.jpg)
ကျွန်တော် အလုပ်များလျှင် သူရောက်လာပါပြီ။ ပြီးလျှင် ပေါက်တတ်ကရများ ရေရွတ်ပါလိမ့်မည်။ မဟုတ်ကဟုတ်ကများ လုပ်ပါလိမ့်မည်။ လိုချင်သည့်အရာ မရာလျှင်လည်း မကျေမနပ် ဖြစ်နေပါလိမ့်မည်။ ယခုလည်း ပေါ်တော်မူလာပြန်သည်။ “ဟဲ့ နင်ဘာလုပ်နေတာလဲ” “ပိုက်ဆံရှာနေတာ” “ဘယ်မှာလဲ” “လွယ်အိတ်ထဲမှာ…တစ်ပြားမှမတွေ့ဘူး၊ အဲအဲတွေ့ပြီ… ၂ဝတန်အစုတ်၊ နင်ယူမလား” “သေပါလား၊ ဘာလို့ယူရမှာလဲ” “တွေ့လား ၂၀လောက်များ သူတောင်းစားတောင် မယူချင်တော့ဘူး” “ကောင်စုတ်၊ ဟဲ့နင်ငါ့ကို တစ်ခုလောက်ကူညီပါလား” “နင်ငါ့ကို ဒီလိုလေသံနဲ့ ပြောပုံထောက်တော့…အရေးကြီးပုံပဲ၊ ဆိုစမ်းပါဦး” “ငါမှ သီချင်းမရတာဟ၊ ဘာသွားဆိုရမလဲ” “ကောင်စုတ်မ၊ နင်မပြောနေပေါ့၊ ငါက အနေသာကြီး” “အေးပါဟာ၊ ငါ့ကို ကလေးနာမည်ရွေးပေးပါလား” ကျွန်တော်ရုတ်တရက် အံ့ဩသွားမိပါသည်။ သူသည် “မဟုတ်တာ”ဟု လူကြီးအများစု သတ်မှတ်လေ့ရှိသည့် ကိစ္စများကို လုပ်တတ်သော်လည်း ဤအလုပ်ကို ကျွန်တော် [...]
ပထမဆုံး ချိန်းတွေ့ခြင်း
မိန်းကလေးအများစုလိုပဲ ကျွန်မလည်း ယောကျင်္ားလေးတွေ သတိထားမိတာ ခံချင်ပါတယ်။ ချိန်းတွေ့တာကို စတင်ဖို့ဆို အဆင်သင့်ဖြစ်တာရဲ့ ဟိုဘက်ကမ်းတောင် လွန်နေသေးတယ်။ ဒါပေမဲ့လည်း ကျွန်မက လက်တွေ့မှာတော့ လျစ်လျူရှုထားခံရတယ်၊ ပြီးတော့ ဒီကိစ္စက ကျွန်မရဲ့ အထက်တန်းကျောင်းမှာရှိတဲ့ တခြားလှပြီးနာမည်ကြီးတဲ့ ကောင်မလေးတွေအားလုံးနဲ့ ယှဉ်လိုက်ရင် ကျွန်မက မလိုဘူး၊ တစ်ဆင့်နိမ့်တယ်လို့ ခံစားရစေတယ်လေ။ နောက်ဆုံးတော့
ပုဂံသို့တစ်ခေါက်
ထောင်စုနှစ်တစ်ခုကို ပြန်သွားဖို့ ”ကာလယန္တရား” မလိုဘူးဆိုတာ သိလား။ ဟုတ်တယ်လေ၊ သေချာပေါက်ကို သွားနိုင်တာပဲဟာ။ အဲဒီကိုသွားဖို့ လိုအပ်ချက်က ရှေးဟောင်းရနံ့ကို တပ်မက်မှု တစ်ခုတည်းပဲ။ မြန်မာတစ်ယောက်ဆိုရင် အဲဒီနေရာက အိမ်အစစ်အမှန်။ အာရှသားတစ်ယောက်အတွက်ဆိုရင်တော့ အဖိုးတန် ရတနာသိုက်ပေါ့။ ဒါမှမဟုတ်ရင် တန်ဖိုးရှိတဲ့ ပြတိုက်တစ်ခုပဲ။ ခမ်းနားတဲ့ ပုဂံဆိုတဲ့ ရှေးခေတ်မြန်မာရဲ့ အဓိက မြို့တော်ကြီးက နွေးထွေးပြီး ချစ်စရာကောင်းတဲ့ ရှုမျှော်ခင်းတွေနဲ့ လှိုက်လှိုက်လှဲလှဲ ကြိုဆိုနေပါတယ်။ ပုဂံမှာ ကြိုက်တဲ့နေရာမှာရပ်။ မျက်လုံးအစုံကိုမှိတ်ပြီး ကြိုက်တဲ့အရပ်ကို လက်ညှိုးထိုးကြည့်လိုက်။ အဲဒီနေရာကို လျှောက်သွားမယ်ဆိုရင် ရှေးလူတွေရဲ့ ဗိသုကာလက်ရာကို အံ့ဩရမှာအမှန်ပဲ။ ဒါပဲလေ။ ဒါပုဂံပဲပေါ့။ ပုဂံမှာ ဘုရားပုထိုး အဆောက်အဦးပေါင်း လေးထောင်ကျော်ရှိတယ်လေ။ ပုဂံကို အေဒီ ၈၇၄မှာ ပျဉ်ပြားမင်းက စတည်ထောင်ခဲ့ပေမဲ့ မြန်မာလူမျိုးအများစုကတော့ အနော်ရထာမင်းကိုပဲ [...]
ဇီဇဝါဖြူလေးများ
နှစ်တိုင်းလိုလိုပဲ ကျွန်မမွေးနေ့ဆိုရင်.. ဆယ်နှစ်နှစ်ပြည့်ကတည်းကပေါ့…. ဇီဇဝါပန်းလေးတစ်ပွင့်က ဘယ်သူပို့လိုက်မှန်းမသိဘဲ ရောက်ရောက်လာတယ်။ ကတ်လေးတွေ၊ စာတိုလေးတွေလည်း မပါဘူး၊ ပန်းဆိုင်ကို ဆက်သွယ်တော့လည်း အလကားပဲ.. ပို့တဲ့သူက ပန်းဖိုးကို ငွေသားနဲ့ရှင်းသွားတယ်လေ။ တော်တော်ကြာတော့ ကျွန်မလည်း ပို့တဲ့သူကိုရှာဖို့ကြိုးစားတာကို ရပ်လိုက်တော့တယ်။ ကျွန်မက ပန်းရောင်နုနုစက္ကူလေးနဲ့ထုပ်ထားပြီး ထူးဆန်းတဲ့ အကောင်းဆုံးအဖြူရောင် ပန်းလေးတွေရဲ့ လှလည်းလှ၊ စိတ်လှုပ်ရှားဖို့လည်းကောင်းတဲ့ မွှေးရနံ့ထဲမှာ ပျော်မွေ့နေပြီလေ။ ဒါပေမဲ့ ကျွန်မက ပန်းပို့တဲ့သူကို ပုံဖော်ကြည့်တာကိုတော့ ဘယ်တော့မှ မရပ်ခဲ့ပါဘူး။ နှစ်သက်စရာ၊ စိတ်လှုပ်ရှားစရာကောင်းပေမဲ့ သူ့ရဲ့အကြောင်းအသေးစိတ်ကို ဖော်ထုတ်ရမှာ ထူးထူးဆန်းဆန်းရှက်တတ်တဲ့ တစ်စုံတစ်ယောက်ရဲ့အကြောင်းကို နေ့အိပ်မက်မက်ရင်းနဲ့ပဲ ကျွန်မရဲ့ အပျော်ဆုံးအချိန်တွေဟာ ကုန်လွန်ခဲ့တာပေါ့။ ကျွန်မရဲ့ ဆယ်ကျော်သက်နှစ်တွေမှာတော့ အဲလိုပို့နေတဲ့သူဟာ ကျွန်မကို စိတ်ဝင်စားနေတဲ့ ကောင်လေးတစ်ယောက်ယောက် ဒါမှမဟုတ် ကျွန်မက မသိဘဲ ကျွန်မကို သိနေတဲ့သူ [...]
အရိုက်ခံရခြင်း
အရိုက်ခံရခြင်း အမျိုးမျိုး ရှိနိုင်ပါသည်။ ကိရိယာဖြင့်ခွဲလျှင် ကြိမ်လုံးဖြင့် အရိုက်ခံရခြင်း၊ ပေတံဖြင့် အရိုက်ခံရခြင်း၊ ကြက်မွေးတံမြက်စည်းဖြင့် အရိုက်ခံရခြင်းတို့အပြင် ရိုးရိုးရှင်းရှင်း လက်ဖြင့် အရိုက်ခံရခြင်း၊ ရက်ရက်စက်စက် ခါးပတ်၊ကြားပွတ်ဖြင့် အရိုက်ခံရခြင်း စသည်ဖြင့် အမျိုးမျိုးကွဲပြားနိုင်သည်။ ထို့ပြင် ခန္ဓာအစိတ်အပိုင်းဖြင့်ခွဲလျှင် လက်ကိုအရိုက်ခံရခြင်း၊ ခြေသလုံးကို အရိုက်ခံရခြင်း၊ ချစ်သူအချင်းချင်းနှင့် ဂျပန်ခေတ်တွင် ခေတ်စားသော ပါးကိုအရိုက်ခံရခြင်းတို့အပြင် ရှားရှားပါးပါး ဖင်ချွတ်အရိုက်ခံရခြင်း၊ လည်ကုပ်ကိုအရိုက်ခံရခြင်းတို့လည်း ရှိနိုင်သေးသည်။ စာမရလျှင်လည်း အရိုက်ခံရနိုင်သည်။ ဆရာ/မကို ဆန့်ကျင်လျှင်လည်း (ကိုယ်မှန်သည်ဖြစ်စေကာမူ) အရိုက်ခံရဖို့ အခွင့်အလမ်းများသည်။ လူကြီးကို (အကျိုးအကြောင်း သင့်သည်ဖြစ်စေ၊ မသင့်သည်ဖြစ်စေ) ပြန်ပြောခြင်း၏နောက်တွင်လည်း အရိုက်ခံရခြင်းက လိုက်လာနိုင်သည်။ သူငယ်ချင်းအချင်းချင်းဖြစ်စေ၊ မောင်နှမများကြားတွင်ဖြစ်စေ ငြင်းခုန်ရန်ဖြစ်လျှင်လည်း အရိုက်ခံရနိုင်ခြေ ကိုးဆယ်ရာနှုန်းရှိသည်။ ငယ်ငယ်က အရိုက်ခံရလျှင် ဘက်ဘက်လက်ကိုသာ အမြဲဖြန့်ဖြစ်နေသည်ကို မှတ်မိသည်။ [...]
မသိခြင်းထဲမှ ရှိခြင်းများ
အရှိန်က ပြင်းလွန်းနေသည်။ “မြန်သည်”ဟူသော စကားကို လျှော့တွက်ထား၍ ရအောင်ပင် အရှိန်က ပြင်းလွန်းနေသည်။ တစ်ယောက်တည်း ထိုင်ရသည်ကို မသိုးမသန့်ဖြစ်လာ၍ နောက်လှည့်ကြည့်မိသည်။ လူတစ်ယောက်မျှ မရှိ။ အံ့ဩ၍ရနိုင်လောက်သည်အထိ လူတစ်ယောက်ဆို တစ်ယောက်မျှမရှိ။ တက်လာစဉ်က သတိမပြုမိဘဲ ယခုမှ သေချာကြည့်မိသောအခါ စိတ်က သရိုးသရီဖြစ်လာသကဲ့သို ခံစားရသည်။ ဈေးဝယ်လှည်း နီနီလေးကို ဆွဲပြီးလာတတ်သော မိန်းမကြီးငယ်တို့လည်း မရှိ၊ ဘောင်းဘီတိုနဲ့ တက်လာတတ်သော အဘိုးကြီးများလည်း မရှိ၊ ဆူညံပွက်လောကို ခပ်သွက်သွက်ရိုက်လာကြသော တူညီဝတ်စုံများနှင့် ကျောင်းသူကျောင်းသားငယ်များလည်း မရှိ၊ နားကွင်းကြီးကြီး၊ နှုတ်ခမ်းရဲရဲနှင့် ဟန်ပန်ဖြည့်ထားတတ်သော မိန်းမရွယ်များလည်းမရှိ၊ မတ်တပ်ရပ်နေရင်းနှင့် ပီအက်စ်ရယ်မှ ပီကာ အချိန်မဖြုန်းတတ်သော လူငယ်များလည်းမရှိ၊ နားကြပ်နှစ်ဖက်တတ်ပြီး မျက်နှာထားတင်းတင်းနှင့် ကျောပိုးအိတ်လွယ်ထားတတ်သော ကောင်မလေးများလည်းမရှိ၊ ကွိစိကွစများကို လူမျိုးခြားနားထဲဝင်ရန် ခက်လွန်းလှသော စကားသံဖြင့် [...]
မြန်မာစာချစ်သူ ၃
တစ်ခါတိုင်း အခထည့်သွင်းပေးခြင်း မင်းသည် အခမဲ့ဆုသုံးနိုင်ပြီး တယ်လီဖုန်းဆက်သောအချိန် နေ့ရောညပါ စကားစမြည်ပြော အဲဒါဘာရေးထားလဲ နားလည်ကြလားဟင်။ ဟုတ်ကဲ့.. နေ့အိပ်မက်လည်း စစချင်းဖတ်တုန်းက နားမလည်လို့ မြန်မာရေးထားတဲ့ မြန်မာစကားမှ ဟုတ်ရဲ့လားလို့တောင် သံသယဖြစ်မိတယ်။ ရှိသေးတယ်။ မင်းသည် easy Mobileနဲ့ အခထည့်သွင်းပေးလျှင် INQ Mini 3G အလုံး 200 ဆုနှိုက်သောအခွင့်ရှိပါသည်။ ဆုနှိုက်သောအခွင့်ဆိုပဲ။ ဘာအဓိပ္ပာယ်လဲမသိ။ @_@ အဆိုးဆုံးတစ်ခုကတော့ ပိုများသောခမဲ့ဖုန်းသည် လူတွေများအားလုံးကို ပိုမို၍ရင်းရင်းနှီးနှီးစွာ ဆက်သွယ်ကြစေသည်။ အခမဲ့ကိုလည်း မှန်အောင်မရေးဘူး။ ရင်းရင်းနှီးနှီးဆိုတဲ့ ကြိယာဝိသေသနကြီးနောက်မှာလည်း ကြိယာဝိသေသနထပ်ဖြစ်အောင် “စွာ”ထပ်ထည့်ထားတယ်။ ။ “လူတွေများအားလုံး”ဆိုတာကလည်း ဘယ်ဘာသာစကားလဲမသိ။ Terms & Conditionကို ဘာသာပြန်ထားတာက… သက်ဆိုင်သောစည်းကမ်းချက်။ ဆုလက်ခံခြင်းသည် လှုပ်ရှားမ နှင့်ပတ်သက်သောဘယ်ဆိုင်မှမဟူရနိုင်ပါသည်။ ထူးခြားသောပုံနှိပ်မ ပါသည့်SingTelSuperHOT$128ဿBonus$30နှင့်$20အခပေးလက်ကိုင် [...]
စိတ်ကူးထဲက
သုံးထပ်တိုက်အဆောက်အအုံငယ်တစ်ခု။ ခပ်လွင်လွင်အစိမ်းရောင် သုတ်ထား၍ တက်ကြွရွှင်လန်းမှုကို သရုပ်ပြနေသော အဆောက်အုံငယ်ပင်။ ထိုအဆောက်အအုံငယ်ထဲသို့ဝင်ရမည့် ရှေ့တံခါးပေါက်တွင် ခပ်စိမ်းစိမ်းမျက်လုံးများဖြင့် သက်သေခံကတ်ပြားကို တောင်းကြည့်မည့်သူ၊ ခပ်ရင့်ရင် စကားလုံးများဖြင့် “လုံခြုံရေး”ကိုအကြောင်းပြပြီး ဘဝင်မြင့်မည့်သူများမရှိ။ ထိုသူတို့အစား တက်ကြွနူးညံ့သောအပြုံးတို့ဖြင့် ခပ်မတ်မတ်ရပ်နေသည့် ကြိုဆိုရေးဝန်ထမ်း ရှိနေလိမ့်မည်။ မြန်မာပြည်ကို ကိုယ်စားပြုသော်လည်း အစိုးရအထက်တန်းကျောင်းများတွင်မဟုတ်လျှင် မကြားရနိုင်သော “မဂင်္လာပါ”ဟူသည့် နှုတ်ခွန်းဆက်စကားကို ချိုချိုသာသာ ကြားရပြီးလျှင် ထိုအဆောက်အအုံထဲသို့ ရောက်ပြီဖြစ်သည်။ အေးမြသောလေအထိအတွေ့နှင့်အတူ လုံခြုံရေးစက်တစ်ခုအတွင်းသို့ဖြတ်ပြီး၊ မိမိအိတ်ကို လုံခြုံရေးစက်ထဲသို့ထိုးသွင်းပြီးလျှင် ဝင်ရောက်ခြင်းကိစ္စပြီးဆုံးပြီဖြစ်သည်။ သေမှုသေခင်းကျူးလွန်လုဆဲဆဲလူမျိုးကို ကြည့်တတ်သော မျက်လုံးများမရှိ၊ မိန်းကလေးအိတ်များကို အတင်းဖွင့်ရှာ၍ မတော်ရာများ မြင်လိုက်ရသော အဖြစ်မျိုးမရှိ။ ဝင်လိုက်သည်နှင့် ပထမဆုံးတွေ့ရမည်က အလိုအလျောက်စာအုပ်အပ်သည့် နေရာ။ ယင်းဘေးတွင်က သတင်းထုတ်ပြန်သည့် ဆိုင်းဘုတ်များရှိမည်။ စာကြည့်တိုက်မှ ထုတ်ပြန်သည့်သတင်းမျိုးကို အစိမ်းရောင်ဘောင်ခတ်ထားသော ကတ္တီပါပြားတွင် ကပ်ပေးမည်ဖြစ်ပြီး [...]
သူငယ်ချင်း
ငယ်ကစလက်ယှက်တွဲ ခက်ခဲလည်း ဖြတ်ကျော် တစ်သက်မြဲ မှတ်ခေါ်တာ ပြတ်ရော်ရန် မမှန်း။ တူပြေးကာ ခေါ်ကစားရယ် ပျော်တပါး ဖြစ်ပုံအလွမ်း သင်အံကာ တူကျက်မှတ်တယ် ဖြူသက်ထပ် ချစ်ပုံရယ်ဆန်း ခါတလေ ရန်ဖြစ်တမ်းတို့ မှန်အချစ်စမ်း ကစားတယ် မကြာပါ ပြန်ကာခေါ်လို့ မြန်စွာပျော် ကလေးရွယ် ကံကြမ္မာ ပြန်ကာလည်သည် မြန်မကြာတယ် ခွဲရလို့ စွဲတသ လွမ်းကာရယ် တမ်းတလာတယ်။ ရင်ထဲဝယ်တော့ ရှိကြမယ်ထင် သတိရလွယ်ရင် တွေ့ဖို့မှန်းတယ်လေး။ စာကြွင်း။ ။ရေးထားတဲ့စာတွေက တန်းလန်းတွေဖြစ်နေပြီး ကဗျာလည်း မတင်ရတာကြာလို့ ၂၀၀၆တုန်းက ရေးထားတဲ့ကဗျာပြန်တင်လိုက်တာ။ (ပုံများယူထားသည့်နေရာများကို ချိတ်ဆက်ထားပါ၍ သိချင်လျှင် နှိပ်ကြည့်နိုင်ပါသည် )
ငယ်ငယ်တုန်းက
သုံးနှစ်သမီး ဖေဖေနဲ့ မေမေက “ငါ့သမီးလေး အိမ်သာဝင်တာ ကြာလိုက်တာ”ဆိုပြီး လာချောင်းတော့ အိမ်သာတစ်ခုလုံး မစင်တွေပေပွေနေအောင် နေ့အိပ်မက်သောင်းကျန်းထားတယ်တဲ့။ (ရှက်လိုက်တာ ) လေးနှစ်သမီး မေမေက အဲဒီတုန်းက အလှပြင်ဆိုင်ဖွင့်ထားတာဆိုတော့ ဆုံလည်ထိုင်ခုံကြီး ရှိတာပေါ့။ မှတ်မိသေးတယ် အနီရောင်ကြီး။ လှည့်လို့ကောင်းတော့ အဲဒီခုံကို တအားသဘောကျတာ။ ခုံက ကျောမီနဲ့ ဖင်ထိုင်ကြားမှာ အဟလေးရှိတယ်လေ။ အဲဒီထဲကို နေ့အိပ်မက်က ခေါင်းထိုးကြည့်လိုက်တယ်။ ပြီးတော့ ပြန်ထုတ်တယ်။ “ဟား ပျော်စရာကြီး”ဆိုပြီး ဝမ်းသာအားရနဲ့တစ်ခါထပ်ထည့်တယ်။ ပြန်ထုတ်တော့လည်း ရသေးတာပဲ။ “မိုက်တယ်ပေါ့”ဆိုပြီး နောက်တစ်ခါလည်း ထည့်ရော.. ဘယ်ကနေဘယ်လိုဖြစ်သွားသလဲ မသိပါဘူး.. ပြန်ကို ထုတ်လို့မရတော့ဘူး (သိပ်မသောင်းကျန်းရှာဘူးနော်)။ အဲဒါ ဘေးမှာရှိနေတဲ့ ကိုကိုနဲ့ အစ်မဝမ်းကွဲက ဝိုင်းဆွဲထုတ်တာပေါ့။ နေ့အိပ်မက်လေးနှစ်ဆိုတော့ ကိုကိုက ခုနနှစ်၊ ဝမ်းကွဲအစ်မက ငါးနှစ်။ [...]
